تۆ وەرە ئەی دولبەری ڕوو ئافتاب
لە کتێبی:
دیوانی سابیری
بەرهەمی:
سابیری (1881-1944)
1 خولەک
756 بینین
تۆ وەرە ئەی دولبەری ڕوو ئافتاب
لاوەکە بێ پەردە و ناز و عیتاب
بێرە سەرینم مەرەزم تێبگە
وا لە فیراقت جیگەرم بوو کەباب
وا لە غەمی دووری تووە کەوتووم
نەک حوکەما، قابیز ئەکا ئیجتیناب
ڕەحمی خودا بێنە دڵ و بەسیەتی
میحنەت و دووری و فیراق و عەزاب
سەد کەڕەتم دەربکەی و دێمەوە
تۆ کە میسالی عەسەل و من زوباب
دەرد و غەمت حاسڵی عومری منە
وەرنە سەوابم نییە عیندەلحیساب
عەکسی گوڵی ڕوومەتی تۆ باعیسە
وا کە سروشکم بووە عەینی گوڵاب
عاشق و غەمبارم و چاوت شەراب
خەستە و تادارم و لێوت عەناب
فەرموو ئەگەر جان و دڵت پێدەوێ
حازرە سابیرناسناوی ئەدەبی لەبۆ ڕەددی جەواب