پایزی پیری پەیابوو نەوجەوانیمان نەما
لە کتێبی:
دیوانی سابیری
بەرهەمی:
سابیری (1881-1944)
2 خولەک
720 بینین
پایزی پیری پەیابوو نەوجەوانیمان نەما
نەوبەهاری عەیش و نۆش و کامەرانیمان نەما
شیری پیری دەست و پێی ئاسکی جەوانی تێکشکاند
قووەتی سەر پەنجە و باسک و زرانیمان نەما
ئێمە دونیامان نەخست و ئەو هەمووی خستینە ژێر
ئیعتیبار و دەستەڵات و پاڵەوانیمان نەما
ناخەلف بووین و ڕەوشتی باب و باپیرمان نەگرت
خواشناسی و ئیفتیخار و خانەدانیمان نەما
ڕوو لە چۆلی غەفڵەت و پشتمان لە کەعبەی مەقسەدە
ئەی موسوڵمانینە کەڵکی ئاوەدانیمان نەما
چونکە سەججادەی پدەرمان خستە سەر جادەی عەدوو
زەوقی دین و خوێندنی سبع المثانيعەرەبیمان نەما
خاوەنی خەرمان و مێگەل بووین و ڕوتبە و ئیعتیبار
ئێستە باشاری شوانی و ئاشەوانیمان نەما
دوزدی پیری گەنجی عومری خۆشەویستمانی دزی
بۆیە وا مات و کزین و شادمانیمان نەما
گاور و جوو واز لە دین و مەسلەکی خۆی نایەنێ
دینی موسلیم وا لەبەر شێت و نەزانیمان نەما
دائیمەن دەرد و بەڵامان زۆر و بێ بارانییە
موستەحەقمان بێ کە ئاوی حەوز و کانیمان نەما
ئابڕوومان وەک عەرەق ئەتکێتە جام و بادەوە
حوڕمەتی دینمان وەکوو چایی بەیانیمان نەما
سابیریناسناوی ئەدەبی فەقر و قەناعەت فەخرە بۆ دینپەروەران
سەد شوکر وا مەرتەبەی دونیایی فانیمان نەما