ئەی موسوڵمانان خودا لێمان قەبووڵ ناکا کە وا
لە کتێبی:
دیوانی سابیری
بەرهەمی:
سابیری (1881-1944)
1 خولەک
612 بینین
ئەی موسوڵمانان خودا لێمان قەبووڵ ناکا کە وا
وا بەجارێ دینی خۆمان نایە سەر نان و کەوا
حوببی دونیا زەوقی دینداری لە دڵمانا نەهێشت
شەرمەزاری هەردوو دنیا تابیعی نەفس و هەوا
تابەکەی عاسیگەری و بێ تاعەتی و دووریی خودا؟
بۆ تەمێ نەگرین لە بابا ئادەم و دادا حەوا
یادی حەق و مردن و ڕۆژی قیامەتمان نییە
جوملە مەعلوولی گوناح و بێ حەکیم و بێ دەوا
ڕاستی دونیا هیچ وەفا و ئاسایشی تێدا نییە
هەرچی تێ فکرێ پەرێشانە، فەقیر و بێنەوا
دوور لە چاکانی لە چارەی بێ فەڕیدا سەد بەڵا
پادشاهـ موحتاجە بۆ دوو ئانە خەرجی بێنەوا
سابیریناسناوی ئەدەبی ئەحواڵی ئەم دونیا مەگەر خوا چاکی کا
تۆ مەڵێ عالەم وەها، خەڵکی نەڵێ ئەو شێخە وا!