ڕۆژێ چە تەقدیر حەیی لەم یەزەل

حەرەم مام محا مەشۆرۆ کەل پەل

چە وەردەم یانەی حەمەی سولەیمان

فەیزەی پسەرش چە لای وێش نیان

سەگە باز ماڵ ئامۆزا حەمە

ڕانێ مام فەیزە بەردش وە دەمە

ئینە داستان هەم سەگە بازەن

هەردۆ گۆش بڕیا کلک درازەن

حەرەم مام محا پەی دیدەن مادەر

وات ئایل بەردەم هەم وەلای دوختەر

لوا پەی کەرکووک وە سواری ماشین

وە کەیف و سەفا جاگەی دڵنشین

بەعد ئەز مولاقات چەنی دایەی وێش

شین وە لای دوختۆر وەدڵێی تەشویش

مەزبوورە واتش سەگ یۆمانەن

چ حاجەت وە حەرف واتەی بەیانەن

پەی ناحیەی تاوغ ئەمر بی وارد

پۆلیس سوار بی

سەگ وە خاوەنش بەردەن پەی تاوغ

هیچ نەوین وە تەنگ

مام «محا»یش بەردەن وەبێ بەهانە

حەتاکە یاوان وە پۆلیس خانە

مەئموور ئەمرش کەرد وەحیدەت و قار

حەتمەن ئەم ڕوژە بلدێ پەرێ شار

ئاما وە جواب حەمەی سولەیمان

قانوون شوناسەن بە غایەت دانان

مەئموور وات کوپەگ بنەش وە لۆری

ئەر چە ڕێ تۆپا ڕیام وە گۆڕی

منیش بێزارم چە سەگ خۆڕی

نە ئەی تاوستان فەسڵ گاقۆڕی

حەمە وات بەگم ئەم ئیش سەر ناگرێ

شوفیر بۆ کوردان سەگ هەڵناگرێ

چەنی گەماڵ باز بکیانۆم وەزوور

وەرنە مەحاڵەن ئەی ڕاگەی دراز

وە پێی پیادە بێ تاقەت و هاز

وە قووەی قانوون وە جەبر و زۆری

ئەی هەر سە نەفەر بنەر وە لۆری

مام محا و پۆلیس چەنی گەماڵ باز

کەفتن وە ڕاگە بێ تاقەت و هاز

بەڵێ کاک حەمە هەم چەنیشان بی

خاوەن گەماڵ باز مەحامیشان بی

چە پشت مزگەفت چایخانەی جەوهەر

پەرێ ئوتۆمبێل بیشان مونتەزەر

پڕش چە خورما ئاما یەک لۆری

پۆلیس وات شوفێر

پۆلیس وات گەواد

حەمە وات

چارە

ئاخر نا عیلاج وە چار و ناچار

بێ سەبر و مەدار

چە بان لۆری کوپەگ گرد قەرار

هەرەکەتش کەرد لوایمێ پەی شار

حەتا یاوایمێ وە کەرکووک مەکان

چە لای میم گوڵە بیمان وە مێمان

هیلاک بیەنمێ بەغایەت خەیلێ

چ تەقریرێت وات واتم میم لەیلێ

واتش مەتەرسە تەقریرم خاسەن

چە کەردەی گەردوون جەرگم پەڵاسەن

ئەیزەن گەماڵ باز کەردم ئامادە

یەک ڕاجەی باریک چە مل نیهادە

گرتەنم بە دەس بەوێنەی مەیموون

سەرم مەکێشا وەبێ چەند و چوون

سەر سەگ مەکێشام چە نامی بازاڕ

تەماشام مەکەرد صیغار و کیبار

بی وە غەڵغەڵە بە وێنەی شایی

بو کوپەگ در؟ وەیا خود ئایی؟

حەتا بەردمان وەلای موعاون

موعاوەن پەرساش ها تەمام خەوەر

عەرز پەرێش چە پا تا وەسەر

ئەمرش کەرد وە بێ بەهانە

مان ئاورد وە بەیطاڵ خانە

تەسلیم بی وە دەست خزمەتچی

بیست فلسم دا پەی نان و

چە بازاڕ سەنم یەک

پەی گەماڵە باز وە کەیف و دەماغ

تەعریفم مەکەرد پەرێ خزمەتچی

یەک کاسەی قوڕین پرمان کەرد چە ئاو

پەرێ گەماڵ باز وەتەعجیل و تاو

بەیتال وات هەشت ڕۆژ

مین بەعد هەشت ڕۆژ تۆ مەکەریم جەلب

پەی موعایەنەی ئەم «کوپەگ و کەلب»

گەماڵ باز تەسلیم کەردم من نەوجا

پەی لوای یانە یۆم کەرد موهەییا

بی وە بەیانی ورێزام چە خواب

پەرێ نام بازاڕ وە تەعجیل و تاب

دیم چەندێ نەفەر ئەفراد شورتە

چە دەست پۆلیس خەڵاس بیم یەکسەر

ئامام وەیانە وەبێ دەردە سەر

چە ڕێگا فیکرێ کەردم موکەڕەڕ

مەعلوومات بدۆم هەر ئێدەن خاستەر

ڕەئسەن تاومدا وە پۆلیس خانە

پەرێ مەعلوومات وەبێ بەهانە

من چە شکایەت هیچ نییەن باکم

فەقەت چە دڵدا خەیلێ بیم مەسروور

خەڵاس بیم چە دەست گەماڵ باز غروور

شوکرم کەرد وە زات بینای کار ساز

ئەمن خەڵاس بیم چە دەست سەگە باز

ئەیزەن قومیسر ئاما وە گفتار

وات خەفەت ئەی مەرد نامدار

قومیسر وات یاوەرم هیچ خەفەت

هەر کەس

واتم مەمنوونم قومسێر ئەفەندی

ئامام وەڕاوە وەتاو و تووندی

ئامام وە یانە وە کەیف و سەفا

خەڵاس بیم چە دەست خەفەت و جەفا

نەزانام گەماڵ چە کۆ فیرارەن

یاخۆ گزمەچی قوڕنەی کام شارەن

یا داغمەچییەن جە قەسابخانە

بێزار چە مەعاش کەردەی زەمانە

یا خۆ بەزازەن چە نام قەیسەری

بێزار چە دیدار گرۆی سەر سەری

نەزانام چە کۆ وێش کەردەن بێوار

سۆراغش نییەن چە هیچ سەر دیار

فەردی گەماڵ باز کەردەنم ئیعلان

خەتم بی وەنام حەمەی سولەیمان

تەرتیبش کەردەن هەم مەڵڵا عەباس

پەرێ زەوق مەجلیس یاوەران خاس

یە مەڵڵا واتەن نە عام ڕیسوایەن

ساکن ماوای عەلی سەرایەن