گوڵی غونچەی گوڵستانم مەلیحە
بۆ مەلیحەی هاوسەری
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
553 بینین
گوڵی غونچەی گوڵستانم مەلیحە
بینایی و نووری چاوانم مەلیحە
عەزیزم قیبلەکەم جێگەی ئومێدم
شیفایی دەرد و دەرمانم مەلیحە
نەمامی نەوڕەسی باغی ژیانم
گوڵاڵەی گوڵشەنی گیانم مەلیحە
سروور و کەیف و زەوق و عەیش و شادیم
زیاو و لۆکسی دیوانم مەلیحە
لە جێگەی کەوکەب و تاج و سەریرم
حەلاوەی بەختی ڕەخشانم مەلیحە
ئەپرسی گەر لە حاڵم سوێن بێ وەللە
ئەتۆی تەهلیلەیی زوانم مەلیحە
لە دووریت وا پەرێشانم مەلیحە
لە باتی زیکر و فیکر و نوێژ و تاعەت
--------دەقی نائاشکرا
ئەتۆی تەهلیلەیی زوانم مەلیحە
وەکو سەنعان لە عیشقی سەروی باڵات
بە تاڵان چووە ئیمانم مەلیحە
بە عەوداڵی ئەڵێ مینەناسناوی ئەدەبی بە قوربان
وەکوو ئەو وێڵی هەردانم مەلیحە