هەر کەس مەزەی دەرد عەشقش چەشتە بۆ
لە کتێبی:
دیوانی جەفایی
بەرهەمی:
جەفایی (1835-1890)
1 خولەک
358 بینین
هەر کەس مەزەی دەرد عەشقش چەشتە بۆ
دیدەی دڵ وە هوون جگەر ڕەشتە بۆ
چەنی متاوۆ جەفای حەبیبان
شکایەت کەرۆ جە لای ڕەقیبان
یە بەستەی بوهتان وێشەن نە دڵدا
دەک ڕەقیب دڵت دەن وە سەر چڵدا!
واسڵ بی وە قەعر ناڵەکەی جەحیم!
نەدیەنت کەلام حەزرەتی حەکیم؟
فەرماوان: هذا بهتانٌ عَظيمعەرەبی
خاست کەرد ڕەقیب پاسەت کەرد چەنیم
تەئسیر دۆعای گرۆی مەڵاڵان
کزەی هەناسەی سوب جە حەق لاڵان
مایەی زیندەگیت بەرۆ وە تاڵان!
پەرێ نەجاتی جەرگەی بەد حاڵان