نە وەختێ ئەجزای ئەندامم تەمام
لە کتێبی:
دیوانی جەفایی
بەرهەمی:
جەفایی (1835-1890)
1 خولەک
257 بینین
نە وەختێ ئەجزای ئەندامم تەمام
تێکەڵ بی چەنی ئالام ئەییام
بێ کەس بێ تەبیب کەفتەبیم ڕەنجوور
دەردم جە دەوای شافی بی مەهجوور
جە ناودەقی نائاشکرا وە عەزم شیفای ئەی عەلیل
پەی عەیادەتم ئاما سەر دەلیل
وە سەد مەیلەوە غەزاڵەی نەوڕەس
نیشت نە سەرینم بی وە فریاد ڕەس
فەرما پێم هۆرێز جە دەرد بەر ئازاد
دەماخت وە بۆی تای توغرام کەر شاد
جەستەم تازە بەرگ عافییەت پۆشا
دڵ سکەنجەبین شیفایی نۆشا
چون جە بادەی وەسڵ دڵبەر سێرم وەرد
ئەندامم تەمام ئازاد بی جە دەرد
فیدای وەفات بام شۆخی شیرین مەیل
تازەت کەردەوە دینی مەیلی لەیل