ne wextê eczay endamim temam
From the Book:
Dîwanî Cefayî
By:
Jafayi (1835-1890)
1 minutes
418 views
ne wextê eczay endamim temam
têkeł bî çenî alam eyyam
bê kes bê tebîb keftebîm řencûr
derdim ce deway şafî bî mehcûr
ce nawMissing we ’ezim şîfay ey ’elîl
pey ’eyadetim ama ser delîl
we sed meylewe ẍezałey newřes
nîşt ne serînim bî we firyad řes
ferma pêm horêz ce derd ber azad
demaxt we boy tay tuẍram ker şad
cestem taze berg ’afîyet poşa
dił sikencebîn şîfayî noşa
çun ce badey wesił diłber sêrim werd
endamim temam azad bî ce derd
fîday wefat bam şoxî şîrîn meyl
tazet kerdewe dînî meylî leyl