ساقی مینای جام دڵ وە سیا ژەنگ
لە کتێبی:
دیوانی جەفایی
بەرهەمی:
جەفایی (1835-1890)
1 خولەک
319 بینین
ساقی مینای جام دڵ وە سیا ژەنگ
جەفا ئالوودەن بێ سۆزەن چوندەقی نائاشکرا سەنگ
دەخیلەن ڕەحمێ مەیێ یاقووت ڕەنگ
نە تۆی پیاڵەی پڕ سەفا و قەشەنگ
کەرەم کەر وەش وەش بنۆشوو بێ نەنگ
مەخسەڵ دەر وە جام دڵەی وە خەم تەنگ
سۆز بێ ئەنداز دەروون پەیدا بۆ
تەئسیر ناڵەی دڵ هووەیدا بۆ
بشوون وە سەرین «شەهید» بێکەس
هەڵای مەندەنش کەمێ نیم نەفەس
نە سینەی پڕ سۆز جەلای مەینەت گاز
وەی چەند فەردەوە هۆردەروون ئاواز:
هامفەرد، ڕیشەی ڕۆحم تان و پۆ
بەند تای ڕشتەی ڕیشەی ڕۆح تۆ
گۆش دەر وە یاسین شیفای مەیل ئاوەر
ئەمجار زات پاک دڵبەر وە یاد کەر
نەفیی ماسیوای ئەو وە لەفزی «لاعەرەبی»
ئیسباتی مەحبووب وە حەرفی «الاعەرەبی»
وە تەریقی سیدق وە سۆزی جگەر
وە لەفزی شیرین وێتە دا باوەر
جە دمای ئەدای شەهادەت وەی تەرز
جیلوەی نوور زات جە دڵ مەبۆ بەرز
ئیمان عەشقت ئەو دەم کامڵەن
خەلاسیت جە دەس ڕەقیب حاسڵەن
سەر وەخت ئاخر یەکجاری لووات
جَنّة المَاوىٰعەرەبی مەبۆ وە مەئوات