خێڵخانەی شادیم دیسان سەرداوە
لە کتێبی:
دیوانی جەفایی
بەرهەمی:
جەفایی (1835-1890)
1 خولەک
308 بینین
خێڵخانەی شادیم دیسان سەرداوە
نە وادی دەروون خێمەش هۆرداوە
حەیاتی ڕەفتەم عەودەت کەردەوە
دڵبەرم تەشریف خەیر ئاوردەوە
قدوومت وەخەیر دۆس وەفادار
وەسەر گەردت بۆ جەفاییناسناوی ئەدەبی ئەوگار
چون لووای لووا، نووری دیدەکەم
ئاماوە ئامای بەرگوزیدەکەم
نەمابێ تێشدا شۆڕش شار دڵ
نەمەندە بی زەوق قەدیمی بوڵبوڵ
عەودەتت جە سەیر شۆخ جەمین جام!
ئاوا کەردەوە شاری دڵ تەمام
تازە خێزاوە بەزمەکەی بوڵبوڵ
چون شاد بی وە عەتر تۆی پڕەی نەو گوڵ
ساقی گرد ئەساس بەزم دڵ جەمەن
بەڵام پیاڵەی پڕ مەی نۆش کەمەن
وادەی مەی نۆشای ئەرباب خەمەن
دەورێ دەر نە تۆی حەلقەی ئەنجومەن
بادەکەی سافت پەی دڵ مەرهەمەن
پەی پەی بماڵۆ جە دڵ چی تەمەن