پەروانەی شەیدای شەمع پێشانیم
ئەم پارچە شیعری «شەهید»ە لەسەر زمانی «شاهیدی» وەڵامی «جەفایی» ئەداتەوە
لە کتێبی:
دیوانی جەفایی
بەرهەمی:
جەفایی (1835-1890)
1 خولەک
833 بینین
پەروانەی شەیدای شەمع پێشانیم
قامەت خەم وە خەم ئەبرۆی کەمانیم
سەودایی سەواد نوختەی خاڵەکەم
هەراسان لێو لەعل ئاڵەکەم
دڵ نە بەند تای گێسووی موشک بۆم
عاشق وە شێوەی قەمەر بێز ڕۆم
نامەی دەروون سۆز جەفا و دەرد ئامێز
یاوا وە خدمەت ئاهووی زوڵف دێز
هامفەردەکەی وێت «شەهید» دەردان
واناوە پەرێم سەراسەر فەردان
حاڵی بیم یەک یەک فەرموودەی خاست
شۆر عەشق دڵ پڕ سۆز ڕاست
ئەوەڵ کە خالیق مەوجوود و مەعبوود
ئاوەرد نە عەدەم شێوەم ئەو وجوود
وجوود دەردان چەنی وجوودت
هەم گەردەن تا وەخت فەوت و نەبوودت
هەنێ خەتایێ مگیر جە شێوەم
ئەر تۆ لێوەنی مەجنوونی لێوەم
«وبعدعەرەبی» بەو زات ئەی شێوە کەردەن
ئارامش جە دڵ پەشێوت بەردەن
تا عەکس شێوەم نە تۆی جام دڵ
بێ گەرد وزەڵاڵ تۆ دارۆ مەنزڵ
وە بێ مەیلی من مگیرۆ گەردێ
میاوۆش سزای بەدعەهدی دەردێ
وەفا چەنی من وێنەی تۆ و جەفان
جەفای تۆم جەفان سەفای تۆم سەفان
هەرکا ئەو لوا مەر ئەوسا ئێد شۆ
دۆعای تۆ پەی من وەفای من پەی تۆ