perwaney şeyday şem’ pêşanîm
em parçe şî’rî «şehîd»e leser zimanî «şahîdî» wełamî «cefayî» edatewe
Li pirtûka:
Dîwanî Cefayî
Berhema:
Cefayî (1835-1890)
1 Xulek
852 Dîtin
perwaney şeyday şem’ pêşanîm
qamet xem we xem ebroy kemanîm
sewdayî sewad nuxtey xałekem
herasan lêw le’il ałekem
dił ne bend tay gêsûy muşk bom
’aşiq we şêwey qemer bêz řom
namey derûn soz cefa û derd amêz
yawa we xidmet ahûy zułf dêz
hamferdekey wêt «şehîd» derdan
wanawe perêm seraser ferdan
ḧałî bîm yek yek fermûdey xast
şor ’eşq dił piř soz řast
eweł ke xalîq mewcûd û me’bûd
awerd ne ’edem şêwem ew wicûd
wicûd derdan çenî wicûdit
hem gerden ta wext fewt û nebûdit
henê xetayê migîr ce şêwem
er to lêwenî mecnûnî lêwem
«wibi’dErebî» bew zat ey şêwe kerden
aramş ce dił peşêwit berden
ta ’ekis şêwem ne toy cam dił
bê gerd wizełał to daro menził
we bê meylî min migîro gerdê
myawoş sizay bed’ehdî derdê
wefa çenî min wêney to û cefan
cefay tom cefan sefay tom sefan
herka ew lwa mer ewsa êd şo
do’ay to pey min wefay min pey to