ببڕین وەرە با لەم غەزەلە تازە کەوایێ
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
433 بینین
ببڕین وەرە با لەم غەزەلە تازە کەوایێ
بەو شەرتە کە بیکەیتە بەر ئەم جەژنە کەوایێ
بیماری موحیببەت هەموو دەم مونتەزیری تۆن
دامەن بتەکێنی کە لەگەڵ تۆزێ دەوایێ
گوێ بگرە لە ناڵەم وەکوو نەی وایە موغەننی
هەنگامی نەوایە ئەجەلم وەختە نەوایێ
لەم زیندەگییە مردنەکەم چاترە ئەمڕۆ
بێ شەوقە چراکەی ئەمەلم هەر بە هەوایێ
جەرحی جگەرم خۆ نەکرا چاری بە حیکمەت
بۆ چاری منی خەستەیی بێ چارە ئەوایێ
ئەم بەختە کوا نووستووە هەڵسانی ئەگەر بوو
مەعلوومە جەنازە وەکوو نووستوو لە خەوایێ
ئەمڕۆ بە تەمای هاتنی دلبەر مەبە حەمدیناسناوی ئەدەبی
بەختم ڕەشە ئەو ڕۆژە بەدایم لە شەوایێ