نامەرد موغەننی وەختی مەقاماتە نەسرەوی
تێهەڵکێش لەسەر نیوە دێڕێکی حافز
لە کتێبی:
دیوانی حەمدی
بەرهەمی:
حەمدی (1876-1936)
2 خولەک
346 بینین
نامەرد موغەننی وەختی مەقاماتە نەسرەوی
توخوا قەتارێ خۆشە بە ئەبیاتی مەولەوی
یاخۆ بە سۆزی شۆرەوە بەندێکی مەسنەوی
تا خواجه می خورد به غزلهای پهلویفارسی
قیسمێکی قەوم لە بەحری تەحەممول شنا دەکەن
بەعزێ دوعا بە دەورە و بەعزێ سەڵا دەکەن
بەعزێ سەنا و بەعزێ بە چەرخە سەما دەکەن
تا خواجه می خورد به غزلهای پهلویفارسی
گوڵگوڵ کرا میسالی گوڵستان زەمین بە خون
فرمێسکە جارییە وەکوو دیجلە ڕەوان و ڕون
هەر ناڵە و فیغانە لە جێی ساز و ئەرغەنون
تا خواجه می خورد به غزلهای پهلویفارسی
قومدە لە خوێنی جەرگ و بنیشە لە خەڵوەتا
بژمێرە داغی حەسرەت و بەستە لە دەوڵەتا
ئولفەت بکە بە دەرد و مودارا لە نەگبەتا
تا خواجه می خورد به غزلهای پهلویفارسی
قاتیل بە جامی خوێنەوە وەک ساقی بێتە خول
کوشتە بە ناڵە چەپڵەزەنان بێ بە دەست و پل
قازی بڵێ غەزایە نەوەک بێ بە دڵ خەجل
تا خواجه می خورد به غزلهای پهلویفارسی
وەک عەینەمەل تەییارە بگرمێنێ بۆ سەفا
با ژن میسالی کوللە لەسەر ڕێگە بەربخا
خەفیە هەیە بە کەیفی بزانن نەوەک جەفا
تا خواجه می خورد به غزلهای پهلویفارسی
تۆ بەستە بەستە حەمدیناسناوی ئەدەبی ببەستە لەگەڵ ئەسەف
گاهێ بدە لە تەپڵی سەر و گەهـ لە سنگی دەف
دەمدەم بخوێنە حادیسەیی خۆشی بێ تەرەف
تا خواجه می خورد به غزلهای پهلویفارسی