لە بەر قاپی خەراباتا کە وەک ڕەعد نەعرەدا مەستێ
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
435 بینین
لە بەر قاپی خەراباتا کە وەک ڕەعد نەعرەدا مەستێ
لە غەیب بەرقی ئەدا بۆ مووددەعی تیغی لەسەر دەستێ
حقووقی بولبولانیش چوو لەناوانا جەنابی گوڵ
کە گوێی وەک ئەو نیگارەی ناوەتە ژێر دەستی بەردەستێ
لە باڵا ناگرێ جێگەی لە دامەندا ببێ گەردم
کە تا باڵانشینی بێ بەڵا ناگاتە سەر پستێ
چ سەربەستە ئیلاهی ئەم ستەمکارە لە قەتلی من
بە مووسا باوەڕم نایە کە فیرعەون وا کەمەر بەستێ
بەدەست دەرخستنی دنیای کە شێواند ڕوومەت و قامەت
کە دەرخا ڕەنگە هەر ڕۆژی قیامەت بێ حەشر هەستێ
وشک هەڵهاتووە لێوم وەکوو پووش و هەناسەی سەرد
میسالی بەردە ئاهم ئاگرێ دێنێ وەکوو ئەستێ
گەلێ حەمدیناسناوی ئەدەبی خودام کرد وەعدی وەسڵی خستە سبحەینێ
گەر ئارامی ببێ ڕۆحم دڵم ئەم موددە ڕاوەستێ