نامەوێ ڕۆژی ڕەشی عومرم هەموو با بێتە شەو
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
602 بینین
نامەوێ ڕۆژی ڕەشی عومرم هەموو با بێتە شەو
ئەشک ئەگەر بێڵێ بنووم و دلبەرم گەر بێتە خەو
ئەو گوڵەم دی وا دەزانم هاتووە بۆم موژدەیێ
عومری نەو، ئیقبالی نەو، هەم ڕۆژی نەو، هەم ماهی نەو
دڵ بە شەوقی ڕوومەتی سووتاوە، پەروانە بە شەمع
هەر دوو هەم سووتانە ئەمما قابیلە ئەم بێتە ئەو
من لە ژێر سایەی فەلەکدا ئارەزووی ژینم نییە
هەر کەوە دەیکا بە باز و بازە هەر دەیکا بە کەو
کیمیایێکە عەقڵ، عاقڵ دەکا زەرد و زەعیف
ئەحمەقی، ئەم ئەحمەقانەی کردووە هێندە قەڵەو
ئەشقەری ئیقبالی یاری سەرکەشی من سەرکەشە
بازوویێکی ڕۆستەمانەی پێدەوێت بگرێت جڵەو
سکەیی ساحێبقڕان ناوی نەما ئێستا بە نەقد
حەمدیناسناوی ئەدەبی داغی دڵ لە ناوا نایە کەوتۆتە بڕەو