تەماشا کەن قوڕێکی شل دەپێوم
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
572 بینین
تەماشا کەن قوڕێکی شل دەپێوم
بە کاسەی دیدە خوێنی دڵ دەپێوم
دەڵێی شیرداخی زەرد و سوورە دلبەر
زەمانێ دادەنێ لێوی لە لێوم
لە دنیادا سەری موو غەم نەماوە
لە دەورەم گردە بۆیە میسلی کێوم
لە گوڵزاری ئەمەلدا موددەتێکە
بەهێ دەگرێ درەختی بەختی سێوم
جگەرگۆشەم لە من ئەمڕۆ دەترسێ
لەبەر چاوی دەڵێی ئەرژەنگی دێوم
لە پاش ئولفەت بەهەشتێکە جەهەننەم
بەڵێ ئانێ بە بێ میحنەت پەشێوم
خودا حەمدیناسناوی ئەدەبی غەمی نارد بۆ سبەینێ
غەمێکی تر بخۆ بۆ وەختی شێوم