دنیا تیاتڕۆیە مەوەستە تیا بڕۆ
لە کتێبی:
دیوانی مەحوی
بەرهەمی:
مەحوی (1836-1906)
1 خولەک
4078 بینین
دنیا تیاتڕۆیە، مەوەستە تیا، بڕۆ!
کێ مایەوە تیا کە نەبووبێ تیا، تڕۆ!
دنیایەکە دوو ڕۆژە نەوازش بکا، سێیەم
ڕۆژی گودازشە، ئەمەتە داکی سێبەڕۆ
ڕوو ترش و ڕوو خۆشە لە ڕووێکا، لە یەک دەما
قەهری درۆیە، میهری درۆ، هەر دوو هەر درۆ
پشتی کە دا بە پشتتەوە، بۆ پشت شکاندنە
ئەمڕۆ خودا شوکرتە، سبەینێ برا لە ڕۆ
پیرێ نەمامی باغی جوانیمی کردە پووش
تازەم درەختی توولی ئەمەل دەردەکا چرۆ
گەردن کە چی چڵێکە سەرەفرازییە گوڵی
بڕوانە، چاوەکەم، کە لە سەر چاوە جێی برۆ
مەحویناسناوی ئەدەبی! بە مُوتُواعەرەبیوە کە لە مردن ببی نەجات
ڕۆیاندنت لە پێشە، لە پێشا وەرە بڕۆ!