قەومی کوردن ئەم گرۆهە ئەی ڕەفیقان یا مەلەک
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
614 بینین
قەومی کوردن ئەم گرۆهە ئەی ڕەفیقان یا مەلەک
ئەرزە گەییە ئاسمان یا بۆتە فەرشی ئەرز فەلەک
چاوی من کەوتۆتە ڕێشکەوپێشکەی نووری جەماڵ
خاکە یا ئەستێرە مانگ و خۆرە یا کوچک و کەڵەک
پێکەوە ئەم شین و سوورە قاعیدەی پەرییانە یا
حۆر و غیلمانن دەگێڕن شایییێکی ڕەشبەڵەک
مەنتیقەی ئەم کوردە بۆتە سەحنەیی باغی ئیرەم
هەر وەکوو فیرعەون کە شێخانی تێدایە هەر بەلەک
ئەم هەموو شێری ژیانە هاتە دەر لەم بێشەدا
کەوڵی ڕێوی بۆیە کوترا داڕنا پێستی دەڵەک
بێرەدا پاپۆر ئیتر ناگا بە مەرگی تۆ برا
سەوڵەکەت دەرچوو لە دەستت تازە ئەیگێڕی کەڵەک
کورد کوڕی مەیدانە حەمدیناسناوی ئەدەبی تۆ تەماشاکە کوڕە
قەت بزانە گوێ ئەداتە دەنگی ئۆغلان و وەلەک