بە لەیلا بۆ دەڵێن مەجنوون کە مرد دێوانەیێ کەمتر
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
510 بینین
بە لەیلا بۆ دەڵێن مەجنوون کە مرد دێوانەیێ کەمتر
لە دارولعیشقی دنیادا بڵێن فەرزانەیێ کەمتر
کە شێرانە بە شەمعی ڕوومەتی دڵ خۆی بسووتێنێ
لە بەزمی عالەما حەیفە بڵێن پەروانەیێ کەمتر
کە چاوی مەستی هەڵهێنا ئیتر مەیخانە هەر داخەن
کە عالەم مەست بکا بارێ ببێ مەیخانەیێ کەمتر
لە بێداد و جەفای ئەو شۆخە عالەم پڕ لە غەوغایە
بە بێدەنگ بمکوژن بەڵکو ببێ ئەفسانەیێ کەمتر
لە ڕێی حەق بێژیا نەمکەن بە دارا بێ شکە نابێ
لە گوێی ئەهلی خەراباتە قسەی ڕەندانەیێ کەمتر
بە ئا یا نەء جەوابی مەسئەلەی وەسڵت بدە و بگرە
لە خەزنەی پڕ جەواهێری دەمت دوڕ دانەیێ کەمتر
بە بادە عەقڵی حەمدیناسناوی ئەدەبی زوو بە با دە ساقییا ئامان
لە گوێی پیری موغان بێ با سەدای مەستانەیێ کەمتر