دەک فیدات بم شاهبازی خێڵی خوبانم وەرە
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
387 بینین
دەک فیدات بم شاهبازی خێڵی خوبانم وەرە
توخودا ڕەحمت ببێ کەبکی خەرامانم وەرە
پەرچەمت لادە لەسەر ڕوومەت بە مەحزی ئیمتیحان
دەفعی زوڵمەت با ببێ ئەی ماهی تابانم وەرە
من لە دوور هاتوومە دیدەن بۆ چی بێ مەیلی دەکەی
کافریش بم خۆشە لای خوا چونکە میوانم وەرە
ڕوومەتی سافت لە پەڕڕەی گوڵ گەلێ نازکترە
قەد سنەوبەر، دیدە نێرگس، زلف ڕەیحانم وەرە
با وەکوو من عالەمێ شەیدایی حوسنی تۆ ببێ
دلبەری مومتاز و شاهی دیدەمەستانم وەرە
من لە تەعنەی دۆست و دوژمن زەڕڕەیێ باکم نییە
بمکوژە ئەمما بە شەرتێ نووری ئیمانم وەرە
غەیری وەسڵی تۆ لە لای حەمدیناسناوی ئەدەبی نەماوە ئارەزوو
تاکوو ماوم لەحزەیێ ئاسایشی جانم وەرە