سەر لە جێگەی پێ دەنێ کوللی سەحەر مەستانە ڕۆژ
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
838 بینین
سەر لە جێگەی پێ دەنێ کوللی سەحەر مەستانە ڕۆژ
بۆ زیارەت دێتە کەعبە ئەو دڵە ئەو جانە ڕۆژ
کەعبە چی کاشانەیێکە سەر لە پایەی عەرش ئەدا
حەیفە بیکەی گەر بە نیمەی خشتی ئەو ئەیوانە ڕۆژ
ئەو شەوی میعراجە فەخری ئەنبیا دەعوەت کرا
تاقە نانێ بوو خرایە سەر دەمی ئەو خوانە ڕۆژ
شانی ڕاگرت ئەو دڵ و جانە کە پێی نایە سەری
دەستیکەوت ئەم شەوکەتە ئەم عیززەتە ئەم شانە ڕۆژ
دووپەلی ناڵی بوراقی ئەو شەوە لێکەوتبوو
من دەڵێم مانگە یەکێکیان و ئەوی تریانە ڕۆژ
ئەو شەوە ئەو ئیحتیرامە تا حەشر نابێتەوە
گەر دەگیرێ بیکەنە قوربانی ئەم قوربانە ڕۆژ
ئەو شەوە فەرقی لەگەڵ ڕۆژا دەزانی چەندەیە
هەر وەهای دانێ کە چۆڕێ شیرە شەو قەترانە ڕۆژ
وەختی خاسی وەسڵی مەحبووبی جەنابی کیبریا
هەر شەوێ بێ بۆی دەبێتە عاشق و دێوانە ڕۆژ
ئەم حیسابە حەمدیناسناوی ئەدەبی قووڵە قەت سەری لێ دەردەکەی
عەقڵی پێ نەشکاوە هێشتا بەم هەموو عینوانە ڕۆژ