ئێمە گشت فانی هەر ئەوەن باقی
لە کتێبی:
دیوانی مەولەوی
بەرهەمی:
مەولەوی (1806-1882)
1 خولەک
1212 بینین
ئێمە گشت فانی، هەر ئەوەن باقی
نازوون وە بازووی پڕ نەیرووی ساقی
خەڵاسیش دا پێت وە یەک پەیمانە
ئازاد بیت جە بەند بەستەی پەیمانە
عارفان چ خاس پەی وە حەق بەردەن
وەسیەتی حافیزکەس وە جا ئاوەردەن
دەفنت نە پەهلووی مەیخانە کەردەن
وە سەر خاکتدا سەبووی مەی مەڕدەن
قەڵەم یاد کردار یار و ئەغیاردا
ڕەقەم کەرد تەئریخ وە ڕووی مەزاردا:
جامێش نۆشاوە چون مەردان ویەرد
گۆشەی مەیخانە وە زاویەکەرد