هەتا دلبەر لەگەڵ عاشق نیگاهێکی نیهانی بێ
لە کتێبی:
دیوانی کەمالی
بەرهەمی:
کەمالی (1886-1974)
1 خولەک
401 بینین
هەتا دلبەر لەگەڵ عاشق نیگاهێکی نیهانی بێ
ئەگەر پیریش بێ دائیم هەر ئەبێ تافی جوانی بێ
بەرامبەر تیرە بارانی موژەت خۆی ناگرێ ئینسان
هەزیمەت هەر ئەکا با ڕۆستەمی مازندەرانی بێ
ئەکەم ڕۆحم بە قەڵغان و سوپەر بۆت گیانی شیرینم
خودا ناکردە نەک بۆ تۆ قەزایی ئاسمانی بێ
مەحاڵە خێر ببینێ موددەتی عومری لە دنیا دا
ئەوەی دەرهەق ڕەفیقی بەد نیهاد و نانی نانی بێ