دەمێکە چاوەڕوانی غەمزەتم ئەی مەهجەبین تیرێ
لە کتێبی:
دیوانی کەمالی
بەرهەمی:
کەمالی (1886-1974)
1 خولەک
401 بینین
دەمێکە چاوەڕوانی غەمزەتم ئەی مەهجەبین تیرێ
دڵم شێتە دەسا لەو پەرچەمی پڕ چینە زنجیرێ
لە دنیادا هەموو شت قابیلی تەغییر و گۆڕانە
بە تەنیا حوسنی تۆ و عەشقی منە نەیدیوە تەغییرێ
هەناسەی گەرمی پڕ تین و بڵێسەم بەرد ئەکا لەت لەت
کەچی لەو شۆخە دڵ ئازارە ناکا زەڕڕە تەئسیرێ
غەزالەی وەحشە یارم قەت لەگەڵ من ناگرێ ئولفەت
ئەوا ئەمرم دەسا خزمینە زووکەن فیکر و تەدبیرێ
لە مەکتەب دا خەریکی مەشقی حوسنە یاری بێ ڕەحمم
لە دڵ لەوحە و لە قورسی خۆڕ ئەکەم وا بۆی تەباشیرێ
خوا با لێت نەڕەنجێ گیانی شیرینم مەڕەنجێنە
دڵی بێچارەیەکی وەک کەمالیناسناوی ئەدەبی عاشق و پیرێ