لە حوسنا قەت فەلەک نەیدیوە نابینێ قەرینی تۆ
لە کتێبی:
دیوانی کەمالی
بەرهەمی:
کەمالی (1886-1974)
1 خولەک
1220 بینین
لە حوسنا قەت فەلەک نەیدیوە نابینێ قەرینی تۆ
خوسووفی بوو قەمەر ئەمشەو کە دی ڕۆژی جەبینی تۆ
بە ئیما چاوەکەت لایدام لە دین وەک شێخەکەی سەنعان
پەنا بەخوا لە دیدەی کافری سیحر ئافەرینی تۆ
سبەینێ زوو کەچاوی کەوت بە لێوی ئاڵی تۆ وەک شێت
بەرۆکی دادڕی خونچە لە ڕەشکی پێکەنینی تۆ
کە کوژراوی برۆتم بۆ بە غەمزە ئەمدەیە بەر تیر
چ بێ ڕەحمیت نیگارا من عەجەب ماوم لە دینی تۆ
شکا بازاڕی قەند و شەکری بەلچیکا لە ناو کوردا
کە نووسیم وەسفی شیرینی دەم و لێو شەککەرینی تۆ
خەلاسی بۆ بەشەر نابێ لە داوی عەشقی تۆ گیانە
مەلەک تەسخیر ئەکا زوڵفی خەمی پڕ پێچ و چینی تۆ
دڵی دەرهات و جارێ هەر نەهاتی بێ وەفا بۆ لای
کەمالیناسناوی ئەدەبی موژدە وا تەرکی گیانی کرد لە قینی تۆ