شامی دووریی من کە ڕۆژی وەسڵی دڵبەر یاد ئەکەم
لە کتێبی:
دیوانی کەمالی
بەرهەمی:
کەمالی (1886-1974)
1 خولەک
427 بینین
شامی دووریی من کە ڕۆژی وەسڵی دڵبەر یاد ئەکەم
هەر وەکوو نەی ڕۆژ و شەو هەر شیوەن و فەریاد ئەکەم
هەقمە گەر عەڕعەڕ پەرستش کەم لە شەوقی بەژنی یار
پیری عەشقم چەشنە ئایینێکی نوێ ئیجاد ئەکەم
چونکە شێوەی بەژن و باڵای ئەو دڵارامەی ئەکەم
تاکوو گیانم بێ لە بەردا خزمەتی شمشاد ئەکەم
غەم وەفادارە لە من یەک لەحزە جیا نابێتەوە
یاری تەنگانەم خەمە هەر بەو دڵی خۆم شاد ئەکەم
دڵ لە کوردستان گەلێ بێزارە وەختە شەق بەرێ
جا کەمالیناسناوی ئەدەبی عەزمی بەغدادی بەهەشت ئاباد ئەکەم