بەرامبەر تاقی ئەبرۆت ڕوو لە میحرابی دووعا ناکەم
لە کتێبی:
دیوانی کەمالی
بەرهەمی:
کەمالی (1886-1974)
1 خولەک
485 بینین
بەرامبەر تاقی ئەبرۆت ڕوو لە میحرابی دووعا ناکەم
دوو چاوی مەستی نازت شاهیدن من کاری وا ناکەم
تەماعکاری و ڕیایی عەیب و بێ نامووسیە بۆ پیاو
ئەگەر تاجم لەسەرکا، قەت ڕیا بۆ پادشا ناکەم
وەفاداری لە لای من فەڕزە تا ماوم لە دنیادا
لە پاش مەرگیش لە ڕۆژێ مەحشەرا تەرکی وەفا ناکەم
سەبا نەختێ لە تۆزی خاکی ڕێی بۆ من ئەگەر بێنیت
ئیتر بۆ چاری ئێشی چاوەکەم داوای دەوا ناکەم
لەگەڵ گەلما کەمالیناسناوی ئەدەبی گەر خیانەت کەم قوڕمساغم
لە دونیا و قیامەت ڕووڕەشی قاپی خودا ناکەم