بە قامەت سەروی بۆستانی بە تەلعەت ماهی تابانی
لە کتێبی:
دیوانی زێوەر
بەرهەمی:
زێوەر (1875-1948)
1 خولەک
623 بینین
بە قامەت سەروی بۆستانی بە تەلعەت ماهی تابانی
لە بەینی ماهڕوویانا وەکوو بەدری نومایانی
لە پێشا مەدرەسە و دەیر و خەراباتم لەلا یەک بوو
دوو میحرابی برۆت کێشامییە دینی موسوڵمانی
لە حوزنا پیری کەنعانم، عەجەب سەبری جەمیلم بوو
بەدڵ موشتاقی بۆی وەسڵم ئەلا ئەی یۆسفی سانی!
بە دەفعی سیحری چاوانت یەدی بەیزام هەیە ئەمما
لە ئەشکی خۆمەدا غەرقم بە سەیری ڕوویی تابانی
بەشەر مەیلی بە شەڕ زۆرە جەفات گەر کەم ئەبوو ئەموت:
لە بەینی عالەمی ڕۆحانیان مەئمووری ڕەحمانی
بەڵێ ڕۆژی بەعیدی تۆ بە عیدی غەیر ئەشوبهێنم
حەنایی پەنجەی و بەرگم لە سایەی ئەشکی ڕوممانی
چ حاجەت تیری موژگانی لە من دا سەرف ئەکا ناحەق
کە من بۆ خۆم گرفتارم بە تای زولفی پەرێشانی
کەلامی شەککەرین زێوەرناسناوی ئەدەبی وەکوو ئیعجازێ ئەنوێنێ
قەمەر دوو کەرت ئەکا هەر گا کە مەیلی بێ بە ئاسانی