بەینێکە بەسەرما کە گوزارت نییە قوربان
لە کتێبی:
دیوانی زێوەر
بەرهەمی:
زێوەر (1875-1948)
1 خولەک
1063 بینین
بەینێکە بەسەرما کە گوزارت نییە قوربان
نەمزانی وەفا و شەرت و قەرارت نییە قوربان
چاوبازەکە! پڕ نازەکە! غەممازەکەیی خۆم
باعیس بە چییە مەیلی شکارت نییە قوربان
بۆ چی بە هەموو وەقت و زەمان ئێستە نەناڵم
وەک عەهدی قەدیم بۆس و کەنارت نییە قوربان
غەمبار و خەفەتبار و دڵازار و حەزینم
لەو ساوە لەگەڵ من سەروکارت نییە قوربان
عاجز مەبە ئەم عالەمە گەر تالیبی ڕووتن
لەم حوسنی خودادادییە چارت نییە قوربان
بۆچ دەعوەیی سوڵتانیی خووبان نەکەی ئیمڕۆ
بۆچ لەعلی لەب و چاوی خومارت نییە قوربان؟
وەک بەچچەیی ئاسک لە دڵی زێوەرناسناوی ئەدەبی ئەکەی ڕەم
ئەمما لە ڕەقیب مەیلی فیرارت نییە قوربان