هەرگیز نەبووم بە خۆشیی ئەم کائیناتە مائیل
لە کتێبی:
دیوانی زێوەر
بەرهەمی:
زێوەر (1875-1948)
1 خولەک
1135 بینین
هەرگیز نەبووم بە خۆشیی ئەم کائیناتە مائیل
ئیللا لە گەردنی تۆ دەستم بکەم حەمائیل
دەریایی غەم شەپۆڵی یەلکانی جیسمی هەڵدا
تێکچوو وجوودی نابوود، کەوتۆتە گێژی هائیل
ساقی بە عەشقی پیرت چاوم لە دەستی تۆیە
دەستی کەرەم پەیاپەی مەگرە لە مەردی سائیل
ئەی عاریفی حەقیقەت، وەی سالیکی تەریقەت
پیری موغان پەنایە بۆ حەللی هەر مەسائیل
عەکسی جەماڵی جانان شەوقی لە هەر دڵێ دا
گەر کێوە زوڵمەتی غەم زوو بوو وجوودی زائیل
هەر ناڵەناڵی دڵمە وەک قومریێکی بێ باڵ
تاکەی ببێ بە وەسڵی ئەو سەر و قەددە نائیل
دیسان ڕەقیبی وەک سەگ ڕووی کردە ئاسکی ماڵی
کوا ساحیبی دیانەت مەنسووسە دەفعی سائیل
عومدەی مەرامی عاشق جەلبی دڵی نیگارە
وەک فەزڵەیە لەلای ئەو، سیم و زەڕ و فەزائیل
چۆن نامەیێ بنووسێ وەختی فیراقی جانان
زێوەرناسناوی ئەدەبی کە وا سوروشکی وەک سەددە، بۆتە حائیل