سوبحی گوڵشەن کەی ئەگاتە لەززەتی لەیلی ویسال
لە کتێبی:
دیوانی زێوەر
بەرهەمی:
زێوەر (1875-1948)
1 خولەک
1297 بینین
سوبحی گوڵشەن کەی ئەگاتە لەززەتی لەیلی ویسال
شەمعی مەجلیس کەی بەرابەر بوو لەگەڵ شەوقی جەماڵ
پڕتەوی نووری جەبینت لالەیی هەر مەجلیسە
شەوچرای بەزمی دڵانی، بێیتە مەیدانی خەیاڵ
شاهڕاهی کۆیی تۆ هەر وەک تەریقی جەننەتە
هەر کەسێ ئەو ڕێگە بگرێ هاتە سەر ڕێگەی کەماڵ
دەستی من ناگاتە داوێنت، لە ئەوجی عیززەتی
من گەدایی بێنەوا، تۆ پادشای ساحێب جەلال
دەفعەیێ سا شادمانم کە بە وەعدەی وەسڵی خۆت
تابەکەی عومرم گوزەر کا هەر لەڕێی هیجر و مەلال
بادیەی غەم بێ دەلیلە دڵ لەناویا کەوتووە
چاوی لوتفی خۆتی سەرخە بێ بە سەرچەشمەی زوڵاڵ
نەونیهالی ئارەزووی هەرکەس زەڕە گەر بێ زەڕە
ئیعتیباری هەر کەسێکە زێوەرناسناوی ئەدەبی ئێستا نەقد و ماڵ