ئەم جێیە کوێیە من لێی دانیشتووم
لەسەر سەگرمە
لە کتێبی:
دیوانی بەختیار زێوەر
بەرهەمی:
فایق زێوەر (1908-1952)
2 خولەک
671 بینین
ئەم جێیە کوێیە من لێی دانیشتووم
یاران پێم بڵێن تا نەڕۆیشتووم
چوار دەوری داوم دەوەن و کانی
دارستانێکە سڕی یەزدانی
فەرشم شاخێکە بڵند و نازدار
شەماڵی لەنجە ئەکا بە نزار
ئەم لام سەنگاوناوی تایبەتە، ئەو لام قەرەداغناوی تایبەت
جێگایەکی خۆش، هەوایەکی ساغ
چامان لێ ناوە ئەڵێی سەیرانە
خەمێکمان هەبێ دووریی یارانە
چین چین ئاسکە دێنە بەرچاوم
سڵ ناکەن ئەڕۆن، بۆ سەیر وەستاوم
قاسپە قاسپی کەو لەبن درەختا
دەنگی پەلەوەر لە چیای سەختا
قیژەی مناڵ و باڕەی بزن و مەڕ
ئەم جێیە چۆڵەی کردووەتە مەحشەر
تیپ تیپ کچە جاف ناسک نازەنین
کە دێن بەرەو ڕووم دەمبەپێکەنین
منیش عاشق و پەروانەکەی یار
زامی دڵەکەم دێتەوە ئازار
شیعر ئەخوێنمەوە، گۆرانی ئەڵێم
ناڵەی خۆم ئەکەم، لە دووریی لەیلێم
فایقناسناوی ئەدەبی وڵاتت دوڕڕو گەوهەرە
سەرچاوەی ئاوی چەشنی کەوسەرە
شاخی سەگرمە قوللەی ئیڤڵناوی تایبەتە
فەرەح بەخشی گیان، موونیسی دڵە
ئەهلی هەموو کورد، شیرین کردارن
قەومێکی نەجیب، هەموو نازدارن
گیانت دابنێ لەبەر ڕێیانا
خاکی ڕێگابە لەسەر ڕێیانا
میللەت و وەتەن بۆ تۆ مەقسوودە
لەسەر ئەو دووانە بکوژرێی سوودە