موعەللیم خوێندنم با هەر موتاڵای حوسنی لەیلابێ
لە کتێبی:
دیوانی بەختیار زێوەر
بەرهەمی:
فایق زێوەر (1908-1952)
1 خولەک
915 بینین
موعەللیم خوێندنم با هەر موتاڵای حوسنی لەیلابێ
سعووباتی حینسابی نازەنینم ئێستە حەل نابێ
لە دەرسی عەشقی ئەودا ئێستەکە مەشغووڵی ئامینم
کەچی لای تۆ ئەبێ دەرسم لە نووکی فاتیحادا بێ
لە سەفحەی لەوحی ڕەش ناگەم ئیتر لێم مەگرە سا قوربان
لە شاگردانی دانانم موتاڵام لەوحی بەیزا بێ
بەلوتفی ئەو نیگارە سەبری مافاتم ئەبێ ئیمڕۆ
ئەگەر سەفحەی ڕوخی مەنزووری بەندەی بێ سەروپا بێ
کە دیم ئەو شۆخە زوڵفی گرژ و لوولە و مایلی عیشوە
وتم مەحبووسی زیندانە گەدا بێ یان شەهەنشا بێ
وەرە قوربان ئومێدم ڕەحمی تۆیە مەرحەمەت فەرموو
هەتا کەی قەلبی مسکینم لە وەسڵی تۆ تەوەللا بێ
ڕەزا نابێ دڵم بەم حیشمەتی دنیایە بێ ئێوە
دەسا فەرموو بە میوانی دڵم وا وەختە شەیدا بێ
لەبەر کەم تالیعی دوورکەوتەوە لێم تەلعەتی پاکت
ئەمان یاری وەفادار ڕێ نەدەی دڵ خوار و ڕیسوا بێ
دەوای دەردی دڵی فایق ناسناوی ئەدەبی بە وەسفی تۆ ئەبێ قوربان
ئەبێ بۆ ئینتیزاری مەقدەمت دائیم موهەییا بێ