لار و لەنجە
لە کتێبی:
گوڵ ئەستێرە
بەرهەمی:
کامەران موکری (1929-1986)
1 خولەک
564 بینین
ئەی لار و لەنجە تۆ تەلیسمێکی
تەزووی ئاگرین ئەنێیتە خوێنم
وەک وروژمی تیر دڵم ئەپێکی
ئەرێ کچی شۆخ چۆنت بدوێنم
***
تا ئەو ئاگرە لەناو لەرینی
سنگی نەرما بێ ئارام ناچێژم
کاتێ کە قۆڵی شل ئەجووڵێنی
نم نم فرمێسکی تاسەم ئەڕێژم
***
کاتێ ئەتبینم سەرنجی چاوم
ئەچەقێتە سنگ پێستی ناسکت
لانکەی ئاواتی دڵەی سووتاوم
ئەجووڵێتەوە لەگەڵ باسکت