ئامان هامسەران دەردم کارییەن
لە کتێبی:
ئەو شیعرانەی دراونەتە پاڵ مەولەوی
بەرهەمی:
مەولەوی (1806-1882)
1 خولەک
651 بینین
ئامان هامسەران دەردم کارییەن
دەرمان دەردم نادیارییەن
دەردم مەزانی یا بواچوون پێت؟
وەر نمەزانی ئیزهار کەروو لێت
وە تیر مەودای فەڵەک پێکیام
وە دەرد دووریی ئازیز دڵ بڕیام
فەناش کەردەوە دەست وە عەدەم دا
فانی زانووی دەرد وە ڕووی ماتەم دا
ئەو جە عەشق بەشق سەرزەدەی دەردان
ئێد جە تاش وستەی سەیر سەرهەردان
زڕیا و پێکیای دەرد چەنی ئەغیاران
منیچ نە جوملەی مەزەننەی یاران