ئاینەی زهوور سیفات غەیبی
لە کتێبی:
ئەو شیعرانەی دراونەتە پاڵ مەولەوی
بەرهەمی:
مەولەوی (1806-1882)
1 خولەک
447 بینین
ئاینەی زهوور سیفات غەیبی
مەکان تلووع سیڕ «لاريبعەرەبی»ی
بورهان قاتیع ئیسبات هەستی
داروو پەی دەماغ خودبینی و مەستی
وەی دیمەی حوسن، وەی نماناوە
بوور دڵ دیسان ئایر ساناوە
بەند بڵێسەی شەوق لێم کەردەن ئەسەر
جە لوولەی پێشەم گڕ مەیۆ وەبەر
تەمام ئەعزام نەڕووی پەردەی پۆس
مەشغووڵەن وە زیکر ئیسبات یا دۆس
غەیر جە حایلێ هیچ نییەن باقی
وادەی دەورەتەن هانا هەی ساقی
مەستم کەر وە جام بادەکەی سەرشار
تا کەس نەزانۆ منەنان یا یار