کۆتایی شەڕی جیهانی دووهەم

لە کتێبی:
دیوانی پیرەمێرد
بەرهەمی:
پیرەمێرد (1867-1950)
 1 خولەک  536 بینین
حیجاز کاری کورد، نەوای عێراقی
هەردووک لە کاران سادەی هەی ساقی!
ئەمڕۆ ڕۆژێکە شەڕ بڕایەوە
دەرگای شادیمان بۆ کرایەوە
لە سایەی خواوە پێمان کەوت پەیمان
کە هاوپەیمانمان بۆ بوون بە تەیمان
ئێستا لە شایی سوێندخۆرەکانا
دەنگی دەهۆڵ دێت لە کوردستانا
وا بە هەڵپەڕکێش بەرز ئەبینەوە
بە پیری ئەچین، بە پیر ژینەوە
هۆ هۆ ژین، هەی ژین لە کوردستانا
خاوەن مژدە بی لە سای یەزدانا
لاوکی کوردی بۆ لاوانتە
«جنة المأواعەرەبی»نیشتمانتە
ناوێرم لەمە زیاتری بڵێم
قەتار و زەبوور وەک یەک دێتە گوێم