بە یادی کۆن
خەیاڵی وردە
لە کتێبی:
دیوانی پیرەمێرد
بەرهەمی:
پیرەمێرد (1867-1950)
1 خولەک
968 بینین
خۆزگە یار ئەبوو بە خاوەن قەرز لێم
بۆ هەرکوێ ئەچووم ئەهاتە سەر ڕێم
یار لە ناو ڕەزا سەیری ترێی کرد
بۆڵێکم لێ خوارد مەست بووم دەستوبرد
بە یادی چاوی بادامی لەیلام
خوێنی بەدەنم بوو بە ڕۆن بادام
فرمێسکم بۆ ڕووی لە بەرد شکا بوو
بەرد بوو بە شوشە گوڵاوی تیا بوو
مانگیش لە یەکتر کەوتوونە گزی
ڕەمەزان جەژنی لە شەواڵ دزی
عەشرەی موحەڕەم کە جەژنی نووحە
بۆ شێعە بووە بە شین و نوحە
سوێند ئەخۆم هێشتا من تۆم نەدیوە
لەگەڵ تۆ شێت بووم هۆشم پەڕیوە