نەعرەی دێوانە
لە کتێبی:
دیوانی پیرەمێرد
بەرهەمی:
پیرەمێرد (1867-1950)
1 خولەک
847 بینین
کاک ئەحمەدەکەی خۆشەویستی خوا
زۆرکەس بە سایەی تۆوە نان ئەخوا
لەوانە زیاتر من تۆم خۆش ئەوێ
هەر تۆی سەربەرزیی قەومەکەت ئەوێ
کە لە زیندانیان تێکخزاندبووین
سێدارەیان بۆ داچەقاندبووین
تۆ چووبوویتە لای «بدیع الزمانکەس»
مژدەت دابوویە بە ژیان و مان
فەرمووبوت ئێوە نامرن ئەمێنن
تا سەر ئازادی گەلتان ئەسێنن
خۆ من باوەڕم بەوە کردووە
بە وەسیەت ناوی ئەوەم بردوە
بەڵام وا ئەمرم بەو ئاواتەوە
بشمرم گۆڕم دەنگ ئەداتەوە