رسیدن کاغذ سلطان دل به نزد سلطان روح

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  544 بینین
های دەروێش سوپا نە جەنگ بین خامۆش
جە سوڵتان ڕۆح زەمیر بدەر گۆش
شای ڕۆح چون هەردەم نە پەژارە بی
پەی سەردارانش جە نەزارە بی
ناگاهـ یەک چاپار پەیدا بی نە ڕا
نامەش تەقدیم کەرد سوجدە بەرد بە شا
ئەمرش کەرد وانان نامەی شاهـ دڵ
نویسابێ بەو شاهـ فەرخوندە مەنزڵ
ئەر ئەلتاف شا مەپەرسۆ ئەحواڵ
هەم جە سەرداران ئەر دارۆ سوئال
هەردوشان سەحیح، سوپا سالمەن
هەردووشان نە جەنگ نەفس زاڵمەن
ئەمماری لەعین سوپای بێ شومار
ئاوەردەن ئیقلیم شەرع کۆ یەختەسار
هەردوو بە قووەی بازووی پەهلەوی
بەند کەردن تەریق سوپای مەعنەوی
منیش ها سوپام کەردەن موهەییا
مەشوون بە ئیمداد شێران هەیجا
هەر ئەفکار داری باوەر بە تەحریر
ئەر ئاری تەشریف تا کەروون تەئخیر
تەعجیل کەر بە ئەمر هەرچیت ئەفکارەن
جیسم و جان نە ڕای ئەمرت نیسارەن