risîdin kaẍiz siltan dil bih nizd siltan ruḧ
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
678 views
hay derwêş supa ne ceng bîn xamoş
ce sułtan řoḧ zemîr bider goş
şay řoḧ çun herdem ne pejare bî
pey serdaranş ce nezare bî
nagah yek çapar peyda bî ne řa
nameş teqdîm kerd sucde berd be şa
emirş kerd wanan namey şah dił
nwîsabê bew şah ferxunde menził
er eltaf şa meperso eḧwał
hem ce serdaran er daro su’al
herduşan seḧîḧ, supa salimen
herdûşan ne ceng nefis załmen
emmarî le’în supay bê şumar
awerden îqlîm şer’ ko yextesar
herdû be quwey bazûy pehlewî
bend kerdin terîq supay me’newî
minîş ha supam kerden muheyya
meşûn be îmdad şêran heyca
her efkar darî bawer be teḧrîr
er arî teşrîf ta kerûn te’xîr
te’cîl ker be emir herçît efkaren
cîsim û can ne řay emirit nîsaren