لشکر جمع نمودن وزیر کامل و جلب سردار حقیق به نزد خودش

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  561 بینین
ئەمرش کەرد دەردەم واناشان فەرمان
هەرکەسێ «سمعا و طوعاعەرەبی» گۆیان
وە هەر تەرفدا وەزیر دانا
پەی جەمع سوپا ساعی کیانا
تەحریر کەرد تەسویر فەرمان پەی تەسدیق
لەفف نامەش کەرد پەی عیشق حەقیق
کیناش پەرێ ئەو سەردار سەخت
جەم کەر سوپای وێت بە تەعجیل و جەخت
موقەددیمەی نەفس سوڵتان زەمیر
یەکسەر پەی سەردار ئاوەرد بە تەحریر
ئێدەن فەرمانش خاقان فەغفوور
پەی ئیقلیم شەرع ئێمەش کەرد مەئموور
سیرعەت کەر نە کار بە تەعجیل و تاب
باوەر چەنی وێت سوپای بێ حیساب
چون نامەی وەزیر یاوا بە سەردار
سەردار بە شادی تەعجیل کەرد نە کار
بە وەعدەی یەک ماهـ سوپای وێش دا جەم
سوار بی وە ئەسپ چون شێر دیژەم
کێشان درەفشان، سوپا بی ڕەوان
مەنزڵان تەی کەرد تەعجیل بە دەوان
نە بەشەو ئارام، نەڕۆ مدارا
سەردا نە حەسار سەر تەوق سوپا