نامە نوشتن لوامه سفیر به شاه خودش که اماره است
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
703 بینین
نەفس لەووامە چون فرسەت زانا
«خفیاعەرەبی» عەرزەش پەی شا کیانا
نە ئەملاک شەرع دەساڵە تەمام
کەردەنم ئیجرا قانوون و نیزام
خەزێنەش تەهی، وەزیرش خائین
سوپاش بێ مەعاش، مەئموور بێ ئایین
ڕەعییەش مەزڵووم، موڵک پارەپارە
نەمەندەن جە سینف عەشایەر چارە
بە وروود عەرزەم پاشا یا وەزیر
باوەران تەشریف پەی موڵک زەمیر
شای سادە زەمیر کەردەنم مەزڵووم
سەردان جە حوکمش چون سوڵتان ڕووم
نامەی سەر وە مۆر سپەرد بە ساعی
کینگیرە زەنان ساعی بی ڕاهی
ساعی «سریعاًعەرەبی» وە بێ چون و چەند
عەرزەش تەقدیم کەرد بەوشای خودپەسەند
سوڵتان جە مەفهووم نامە بی ڕازی
تەڵەب کەرد نە پێش عیشق مەجازی
واتش مەسمووعەن شای عالیی زەمیر
نەمەندەن تاقەت موڵکش کۆ تەسخیر
تۆ چەنی وەزیر مەکەروون ڕەوان
مەسپاروون پێتان سوپای بێ سامان
ها بەخشام بە تۆ دە ئیقلیم تەمام
ڕەواج دەر بە حوکم وێت جە هەر مەقام
تا سوڵتان ڕۆح نەبیەن خەبەردار
بە تەسخیر موڵک تەعجیل کەر نە کار
بگێرە جە من تاج سوڵتانی
بنیشە جەو موڵک بە شادمانی
دەرلەحزە مەجاز قەلبش بی گوشاد
سوجدە بەرد نە ڕووی تەخت بەدنەژاد
بە فەرمان شا یەک تاج جە زەڕ
مورەسسەع جە لەعل، موزەییەن جە پەڕ
چەنی خەرقەی لەعل پەی دڵنەوازی
پۆشا بە ئەندام عیشق مەجازی
تەڵەب کەرد وەزیر، حازر کەرد سوپا
جەم بین سیلسیلەی سوپای کینەخا
هەردووشان چەنی سوپا بین ڕاهی
تا یاوان بە موڵک جیهان پەناهی
ڕاهی بین نە ڕا سەف سەف و مەوج مەوج
باڵ بەیداخان سەرکێشان بە ئەوج
شای سادە زەمیر وەقتێ بی بێدار
سوپای بێشومار داخڵ بی نە شار
نەفس لەووامە وێش بی میهماندار
بە ئیجرای ئوموور دەلیل بی نە کار