name nuştin lwamh sifîr bih şah xudiş kih amarh ast
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
733 views
nefis lewwame çun firset zana
«xifyaArabic» ’erzeş pey şa kyana
ne emlak şer’ desałe temam
kerdenim îcra qanûn û nîzam
xezêneş tehî, wezîrş xa’în
supaş bê me’aş, me’mûr bê ayîn
ře’îyeş mezłûm, mułk parepare
nemenden ce sînf ’eşayer çare
be wirûd ’erzem paşa ya wezîr
baweran teşrîf pey mułk zemîr
şay sade zemîr kerdenim mezłûm
serdan ce ḧukimş çun sułtan řûm
namey ser we mor siperd be sa’î
kîngîre zenan sa’î bî řahî
sa’î «sirî’aًArabic» we bê çun û çend
’erzeş teqdîm kerd bewşay xudpesend
sułtan ce mefhûm name bî řazî
tełeb kerd ne pêş ’îşq mecazî
watiş mesmû’en şay ’alîy zemîr
nemenden taqet mułkiş ko tesxîr
to çenî wezîr mekerûn řewan
mesparûn pêtan supay bê saman
ha bexşam be to de îqlîm temam
řewac der be ḧukim wêt ce her meqam
ta sułtan řoḧ nebyen xeberdar
be tesxîr mułk te’cîl ker ne kar
bigêre ce min tac sułtanî
binîşe cew mułk be şadmanî
derleḧze mecaz qelbiş bî guşad
sucde berd ne řûy text bednejad
be ferman şa yek tac ce zeř
muresse’ ce le’il, muzeyyen ce peř
çenî xerqey le’il pey diłnewazî
poşa be endam ’îşq mecazî
tełeb kerd wezîr, ḧazir kerd supa
cem bîn sîlsîley supay kînexa
herdûşan çenî supa bîn řahî
ta yawan be mułk cîhan penahî
řahî bîn ne řa sef sef û mewc mewc
bał beydaxan serkêşan be ewc
şay sade zemîr weqtê bî bêdar
supay bêşumar daxił bî ne şar
nefis lewwame wêş bî mîhmandar
be îcray umûr delîl bî ne kar