بزم آراستن ابلیس و کیفیات را بە پادشاه نوشتن
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
679 بینین
فەرماش دەرلەحزە سازان بەزم مەی
کەردش موهەییا مەحفەل ئارای کەی
یەکجا مەلعەبەی فیعل شەنیعە
یەکجا سەدای ساز و چەنگ سەنیعە
جەودما دەبیر تەڵەب کەرد دەردەم
فەرماش بە سوڵتان تەحریر کەر ڕەقەم
ئەووەڵ بەیان کەر عەریزەی ئیخلاس
سانی شکستیی بەخت ئەلخەنناس
سالیسەن ئەفکار بەندەی موستەمەند
بە قووەی ئیسڵاح عەدووم وست نە بەند
ئەگەر ڕوخسەت بۆ جەلای شەهریار
بێ جەدەل و جەنگ حەربەی کارزار
بە ڕەئیی ئەفکار موفسیدەی ئەفسوون
«قریباًعەرەبی» عەدوو مەبۆ سەرنگوون
تەمهیر کەرد نامەی وەزیر دێوزاد
داش بە خەتەرە ڕەوان بی چون باد
بڕی مەنزڵان بە وەقت و بێ وەقت
یاوا بە حوزوور سوڵتان سەرسەخت
بە سوجدەی سوجوود عەرزەش کەرد تەقدیم
سەرگوزشتەی کار یەکسەر کەرد تەفهیم
واناش عەریزە، سوڵتان بی خورسەند
بفەرماش تەحریر نامەی دڵپەسەن