قرار متارکە جنگ و صلح نمودن تا خبر هر یک از سلطان خودشان جواب آید
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
764 بینین
نویسا جەواب وەزیر ئەولا
موتارەکەی جەنگ تا وەعدەی یەک ما
جەی تەرەف سەردار وەعدەی سوبح سەحەر
مەشۆ وە پابۆس خاقان قەیسەر
بە هەرچیش مەیلەن شای حیشمەت پەنا
سوڵتان ئامیرەن، ئێمە جانفیدا
تۆیش هەم بە سوڵتان وێت بدەر ئیخبار
ساکن بۆ سوپا تا ڕاست مەبۆ کار
نامە بی تەمام، هەردوو کەردن مۆر
کەردشان ئێلچی حازر نە حوزوور
ئێلچی ستانا نامەی مەحەببەت
کەردشان تەعزیم ئێلچی بە خەلعەت
«مسروراًعەرەبی» ئێلچی ڕاهی بی نە ڕا
سوار بی بە زین، یاوا بە سوپا
یاوا بە حوزوور وەزیر مەردوود
نامەش تەقدیم کەرد بە سوجدەی سوجوود
فەرما واناشان نامەی خۆش مەئال
هەم کەرد جە ئێلچی ئەنواع سوئال
ئێلچی دا جەواب بە عەیش و سوروور
ئەوساف مەردان ئاوەرد بە حوزوور
وەزیر جە شادی نە تەخت خرۆشا
خەرقەی ئیفتیخار بە قامەت پۆشا