qirar mitarke cing û silḧ nimudin ta xibir hir yik az siltan xudşan cwab ayd
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
739 views
nwîsa cewab wezîr ewla
mutarekey ceng ta we’dey yek ma
cey teref serdar we’dey subiḧ seḧer
meşo we pabos xaqan qeyser
be herçîş meylen şay ḧîşmet pena
sułtan amîren, ême canfîda
toyş hem be sułtan wêt bider îxbar
sakin bo supa ta řast mebo kar
name bî temam, herdû kerdin mor
kerdişan êlçî ḧazir ne ḧuzûr
êlçî sitana namey meḧebbet
kerdişan te’zîm êlçî be xel’et
«misruraًArabic» êlçî řahî bî ne řa
swar bî be zîn, yawa be supa
yawa be ḧuzûr wezîr merdûd
nameş teqdîm kerd be sucdey sucûd
ferma wanaşan namey xoş me’al
hem kerd ce êlçî enwa’ su’al
êlçî da cewab be ’eyş û surûr
ewsaf merdan awerd be ḧuzûr
wezîr ce şadî ne text xiroşa
xerqey îftîxar be qamet poşa