bizim arastin ablîs û kîfyat ra be padşah nuştin
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
1 Xulek
682 Dîtin
fermaş derleḧze sazan bezim mey
kerdiş muheyya meḧfel aray key
yekca mel’ebey fî’il şenî’e
yekca seday saz û çeng senî’e
cewdima debîr tełeb kerd derdem
fermaş be sułtan teḧrîr ker řeqem
ewweł beyan ker ’erîzey îxlas
sanî şiksitîy bext elxennas
salîsen efkar bendey mustemend
be quwey îsłaḧ ’edûm wist ne bend
eger řuxset bo celay şehryar
bê cedel û ceng ḧerbey karzar
be ře’îy efkar mufsîdey efsûn
«qirîbaًErebî» ’edû mebo seringûn
temhîr kerd namey wezîr dêwzad
daş be xetere řewan bî çun bad
biřî menziłan be weqit û bê weqit
yawa be ḧuzûr sułtan sersext
be sucdey sucûd ’erzeş kerd teqdîm
serguzşitey kar yekser kerd tefhîm
wanaş ’erîze, sułtan bî xursend
bifermaş teḧrîr namey diłpesen