نامە نوشتن ابلیس علیە اللعنة به وزیر و سردار

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  514 بینین
تەڵەب کەرد وەبەر وەزیر فنوون
ئاوەرد بە تەقدیر موفسیدەی ئەفسوون
نویسا نامە خیتاب بە وەزیر:
ئەی ئەخ ئەرشەد دانای دڵپەزێر
هەرچەندە حیکمەت ئامۆزی لوقمان
تەرک ئەدەبەن جەلای عارفان
ئەمما چون سیننم جە تۆ زیادەن
ئەر گۆش کەی پەندم شیمەی ئەمجادەن
هەرچی هەن جە عیلم زات ئەکبەرەن
نێک و بەد جە حوکم قەزا و قەدەرەن
سەعید و شەقی جە بەتن مادەر
«جفّ القلمعەرەبی» ەن جە هەر خەیر و شەڕ
هەم داروون ئەسپاب پەرێ موددەعا
جە ئایەی قەدیم حەق کەردەن ئەدا
سەبت بی عیسیانم جە لەوح قیدەم
خەلق کەرد ئەسپابش نە سوجدەی ئادەم
جە ئەزەل سەبت بی ئیغوای «بوالبشرعەرەبی»
خەلق بی ئەسپابش بە ئەکل شەجەر
پەی ئێد وەیتەورە تەرتیب دا مەقسوود
تا ئەسمای سیفات بەیۆ بە وجوود
بە کردەی گونا مەیۆ بە زوهوور
ئەسمای حەلیمی و سەتتاری و غەفوور
ڕەحمان و ڕەحیم، هەم عەفو و ڕەئووف
مەبۆ بە سیفات وێشان بان مەوسووف
ئەر نەبۆ تەسدیع داروون ڕیوایەت
شەممێ جە ئەحواڵ وێم کەم حیکایەت